Shkolla Rajonale e Administratës Publike (ReSPA) zhvilloi në Lisbonë mbledhjen e përbashkët të Bordit Drejtues dhe Komitetit të Buxhetit, për forcimin e qeverisjes strategjike, mbikëqyrjen financiare, bashkëpunimin ndër-rajonal Ballkani Perëndimor–Partneriteti Lindor, si dhe për përcaktimin e Programit të Punës për vitin 2026.

Takimi shërbeu si një platformë për vendimmarrje të koordinuar, diskutime transparente dhe përputhjes ndërmjet planifikimit financiar dhe programit. Anëtarët reflektuan mbi qeverisjen financiare, zbatimin e buxhetit, prioritetet institucionale për vitin 2026 dhe menaxhimin e qëndrueshëm të burimeve në funksion të programeve rajonale me ndikim.

Gjatë sesioneve u miratuan dokumentet kryesore institucionale, përfshirë raportet financiare dhe operacionale, Programin Indikativ të Punës 2026 në përputhje me Orientimin Strategjik 2025–2030, si dhe ndryshimet në Rregulloren e Stafit për forcimin e kapaciteteve të brendshme.

Takimet riafirmuan ndërtimin e kapaciteteve si prioritet qendror të ReSPA-s dhe mirëpritën përfshirjen e nëpunësve publikë nga Armenia, Moldavia dhe Ukraina në aktivitetet e ardhshme. Si pjesë e programit, anëtarët morën pjesë edhe në workshopin “Transformimi Digjital në Menaxhimin e Financave Publike”, realizuar në partneritet me Shkollën e Ekonomisë dhe Menaxhimit të Lisbonës.